Bustawe Bongert

Den Tom & d’Gummisstiwwele-Band

Eng Erzielung vum Luisa Bevilacqua

 

„Et wor eemol, viru laanger laanger Zäit, deemools wéi souguer de Ris nach waakreg war.

– De Ris waakreg? Gewass! Dee läit dach zënter éiweg do a schnaarcht wéi eng ganz Seeërei.“

 

Dir wësst jo sécherlech vu wéi engem Ris Riets ass, jiddweree kennt deen! Mee kennt dir och de butzegklengen Tom? An hutt dir nuets schonn d’Wisekinnigin héiere kräischen oder den Hunn vum Kierchtuerm gesinn dem Wand Geheimnisser pësperen? Wann net, da lauschtert gutt no: d’Luisa erzielt ons d’Geschichten, déi hatt hei an do an der Beetebuerger Gemeng fonnt huet. Tëscht Januar a Mäerz war hatt ronderëm schnupperen a virwëtzen an huet dobäi munch gelunge Saachen erausfonnt.

 

Dauer: 45’

Sprooch: lëtzebuergesch

Alter: 4+

Den Tom & Co.

En Atelier mam Luisa Bevilacqua

 

Den Tom ass net ganz wäit gereest, mee hien ass kleng an dofir erschéngt him d’Welt riiiiiiiiseg. Hien entdeckt an engem Stéck flott Saachen a mécht sech dobäi och nei Frënn. Genau sou kann et ons och ergoen, wann mir d’Aë grouss opmaachen a ronderëm ons kucken. D’Gemeng Beetebuerg ass net riiiiiiiiseg, mee huet awer viiiiiiiill ze bidden. Wou
kéint deng Geschicht dann ufänken?

 

En Atelier, dee Molen a Collage vermëscht fir onse Liewensraum spillerësch ze erfuerschen.

 

Dauer: 60’

Sproochen: lëtzebuergesch, français, deutsch, english

Alter: 4+

Sonndeg | 22.04.2018 | 14.30 – 16.30 Auer

Entrée gratis

Treffpunkt um 14.15 Auer um Parking vum Fussballsterrain

Bongert Altenhoven
route de Mondorf
L-3260 Bettembourg

Kontakt


Patrick HURT - Service des relations publiques
patrick.hurt@bettembourg.lu | T +352 51 80 80 302