Liesung am Gréngen mat Spill a Spaass fir Kanner ab 4 Joer am Bongert Altenhoven: en ofwiesslungsräichen a spannenden Nomëtteg mat klengen, tapferen Helden aus der Déieren- a Fabelwelt.

Animéiert vum Martine Schoellen, Annick Sinner a Mady Durrer

Den Zog mam Martine Schoellen

De klengen Draach Zog léiert an der Draacheschoul alles, wat ee fir en Draacheliewen eben esou brauch: fléien, brëllen, Feier späizen a kämpfen. Mee wéi et ëm d’Entféierung vun enger Prinzessin geet, muss sech den Zog mam dapere Ritter Wenzel ausernee setzen… Den international erfollegräiche Auteurs-Duo Scheffler-Donaldson iwwerzeegt wéi ëmmer mat faszinante Wiesen, enger droleger Geschicht an net ze vergiessen, mat häerzegen a witzegen Illustratiounen. D’Martine Schoellen huet déi lëtzebuergesch Versioun iwwersat.

D’Däumelinchen mam Annick Sinner

D’Annick Sinner erzielt d’Geschicht vun engem klenge Meedchen, dat net méi grouss ewéi en Domm gouf. Dëst Meedchen gouf vu jidderengem Däumelinchen genannt. Wat d’Däumelinchen alles an der Natur erlieft huet, a wéi engen Déieren hatt begéint ass, dat erzielen Iech elo meng hëlze Biller … NB: Dat klassescht Mäerchen vum Hans Christian Andersen ass op Kënschtlerpaletten gemoolt, déi esou als Erzielbrieder d’Geschicht illustréieren.

De Flöck mam Mady Durrer

De Flöck ass e ganz gléckleche Mupp. E gëtt vill geheemelt, kritt all Dag e fantastesche Menü zerwéiert an duerf an de Bëscher a Wise stonnelaang schnoffelen a wullen, Häerz wat begiers de. En huet bal alles wat en Hond sech ka wënschen, wann do net seng ganz laang Ouere wären. En trëllt driwwer an deet sech oft wéi. Seng Ouere stinn him stänneg am Wee. Mee dann huet hien eng Iddi: de Flöck gëtt den eenzegen Hond, dee mat den Ouere mole kann.

Wéini?

Vu 14 bis 16 Auer (Plan d’Accès)

Fir Kanner ab 4 Joer

Treffpunkt ass um 13.45 Auer um Parking vum Fussballsterrain, route de Mondorf

Wou?

Bongert Altenhoven zu Beetebuerg

D’Veranstaltung fënnt baussen an engem hëlzenen Chalet statt, dot Iech also adequat un.