Fir Iech d’Literatur an de LiteraTour nach méi nozebréngen, komme mir bei Iech, wou Dir grad sidd – beim Akafen, beim Patt oder beim Flanéieren!

Erlieft e flotte literareschen Nomëtteg mat Liesungen, Stroossen-Theater, Musek, vill Animatioun an dem LiteraTour-Stand matzen an der Geschäftswelt um « Chantier » 🙂

Wéi de Chantier e Work in Progess ass fir de Fortschrëtt a méi Liewensqualitéit, esou sinn dat och  d’Literatur an de LiteraTour – d’Liesen mécht d’Liewen och méi schéin!

Dir kënnt och virliesen – bréngt e Buch mat.

Et maache mat

• de Beetebuerger Geschäftsverband U.A.C.B. (Union Artisanale et Commerciale de Bettembourg) an d’Geschäfter : Fleurs Silvia, Optik Hoffmann an Dream Bike Shop
• d’Lëtzebuerger Bicherediteuren mat engen Choix vu flotte lëtzebuerger Bicher, ze fannen an der Brasserie du Centenaire
• verschidden Auteuren – mat Texter, « déi och nach am
  Chantier sinn »
• de Kaleidoskop: Acteuren presentéieren Extraiten aus hirem Programme, spillen Texter/kleng Theater-Szenen
• d’Kanner-Chorale „Les Enfants de l’Alzette“
• … an all Beetebuerger Leit, déi e flotte positive Beitrag leeschte wëllen!