Entdeckt d’Texter vun de Finalisten an de Gewënner vum Prix Laurence 2022, enger ganz spezieller Editioun, ganz am Zeeche vun « Esch2022 – Europäesch Kulturhaaptstad ».
240 Säiten, 30 Texter, fënnef Sproochen: déi ideal Liesung fir Literaturfrënn déi jonk europäesch Talenter wëllen entdecken. D’Anthologie ass natierlech och am BicherKueb disponibel a kann och an Librairien bestallt, ënnert der ISBN Nummer 978-99987-955-0-1.
Eng spannend Entdeckungsrees an ons Partnergemengen Beetebuerg (L), Flaibano (I) a Valpaços (PT)
Ee Wierk, dräi Kulturen, ee Gedanken: dëst Buch hëlt Iech mat duerch déi traditionell a lokal Kichen aus den dräi Regiounen a bitt en Abléck an déi jeeweileg Gastronomie a Kultur.
An all Kapitel kënnt Dir esou d’Geschicht, d’Ëmgéigend, lokal Produkter an net ze vergiesse Rezepter vu passionéierte lokale Käch entdecken, alles mat groussen a schéine Fotoen illustréiert.
Den 23. Abrëll gëtt dës Publikatioun am Kader vum Fest vum Buch offiziell virgestallt (Méi Infos op der S.xx)
Dee neie Comic iwwert de wuel bekanntesten Awunner vu Beetebuerg.
Hien ass bal 10 Meter grouss a wunnt am Märchepark.
Jo, genee, et ass de Ris. De Koloss mat der rouder Mutz, de laange, bronge Stiwwelen, dem hellbloe Pullover an der karéierter Box.
Mir schécken de Ris op d’Rees.
Komm mat an erlief mat him eng helle Wull vu spannenden Aventuren.
E Bléck op haut. E Bléck op gëscht. E Bléck no vir. Op déi fënnef Uertschaften vun eiser Gemeng: Obeler, Fenneng, Hunchereng, Näerzeng a Beetebuerg.
Fir Iech en Abléck op hir schéi Säiten ze ginn an Dir se fir een Abléck ganz anescht entdecken a fir zwee Ablécker nei erliewe kënnt.
Mam Bléck vun zwee Beetebuerger. Dem Tom Wagner (Fotoen) an dem Pit Hoerold (Texter).
D’Buch „Beetebuerg erliewen“ kritt Dir am BicherKueb an an Ärer Librairie.
Hei fannt dir all d’Texter vun de Finalisten a Laureaten vun 2015/16 – 2022.
Eng Collectioun, déi a kenger Bibliothéik feelen däerf !
